Fedde Schurer

Fedde Schurer (1898-1968), ûnderwizer, skriuwer en dichter, politikus en sjoernalist wie ien fan de populêrste Fryske skriuwers fan de tweintichste ieu. By syn literêr wurk leit de klam op toaniel en dichtwurk. Hy makke Fryske psalmberimingen, en bewurke bibelferhalen ta gedichten. Yn 1949 krige er de Gysbert Japicxpriis foar de psalmberimingen en it toanielstik Simson.